ሬዙሜ ይሥሩ

በእርግጥ የሠሩትን ምልክት ያድርጉ፣ የት እንደሠሩ ይሙሉ፣ ከዚያም ራስዎ ማስተካከል የሚችሉትን የዎርድ ፋይል ያውርዱ። ነጻ ነው፤ ሰፈርም አያየውም።

በነጻ
የሚቀይሩት የWord ፋይል ወይም PDF
ምንም አይቀመጥም — ሰፈር አያየውም

ሬዙሜው ራሱ በእንግሊዝኛ ነው። ጥያቄዎቹ በአማርኛና በእንግሊዝኛ ይመጣሉ፤ መልሶችዎን ግን በእንግሊዝኛ ይጻፉ — ይህ እዚህ ያለ ቀጣሪ የሚከፍተው ሰነድ ነው።

ምንም አይቀመጥም። መልሶችዎ በዚህ የአሳሽ ገጽ ውስጥ ብቻ ይቆያሉ፤ ፋይሉም በራስዎ ስልክ ወይም ኮምፒውተር ላይ ይሠራል። ሰፈር አይቀበለውም፣ አያስቀምጠውም፣ ማንበብም አይችልም። በተመሳሳይ ይህን ገጽ ከዘጉት ከመጀመሪያው ይጀምራሉ።

ስለ እርስዎ

ይህ በገጹ አናት ላይ ያለው ክፍል ነው። አሠሪው እርስዎን የሚያገኝበት መንገድ ስለሆነ ትክክል መሆን አለበት።

ሙሉ ስምከተማና ስቴት

ከተማና ስቴት ብቻ። የቤትዎን ሙሉ አድራሻ በሬዙሜ ላይ በፍጹም አያስቀምጡ።

ስልክ ቁጥርኢሜይል አድራሻLinkedIn (አማራጭ)

ከሌልዎት ባዶ ይተዉት። ባዶ መስመር ከተሳሳተ መስመር ይሻላል።

ማወቅ የሚገባቸው አራት ነገሮች

ከሰው በፊት ማሽን ያነበዋል
አብዛኞቹ አሠሪዎች ሬዙሜዎችን ጽሑፉን በሚያወጣ ሶፍትዌር ውስጥ ያሳልፋሉ። ይህ ሶፍትዌር ዓምዶችን፣ ሠንጠረዦችን፣ ሎጎዎችንና ፎቶዎችን ማንበብ አይችልም፤ ማንበብ ያልቻለውን ሬዙሜም ማንም አያየውም። ቴምፕሌቱ ቀላል የሆነው ለዚህ ነው። ቀላል አድርገው ይያዙት።
በሀገር ቤት የሠሩት ሥራ ይቆጠራል
ያስገቡት። አሠሪው ያልሰማውን ድርጅት እንዲረዳው ከከተማው አጠገብ ሀገሩን ይጥቀሱ፤ ሥራውንም በመጠሪያው ሳይሆን በሠሩት ነገር ይግለጹት። ዐሥራ አምስት ዓመት ዐሥራ አምስት ዓመት ነው።
ክፍተት ችግር አይደለም
ሀገር በመቀየር፣ ወረቀት በመጠበቅ ወይም ልጆች በማሳደግ የሚያልፉ ዓመታት የተለመዱ ናቸው። አጭር ክፍተት እንዳይታይ ወራትን ሳይሆን ዓመታትን ይጠቀሙ፤ ክፍተትን ለመሸፈን ግን ያልሠሩትን ሥራ በፍጹም አይፍጠሩ።
መከላከል የሚችሉትን ብቻ ያስቀምጡ
በዚህ ገጽ ላይ ያለው ሁሉ የተጻፈልዎ ሳይሆን እርስዎ ምልክት የሚያደርጉበት ዓረፍተ ነገር ነው፤ ምክንያቱም በቃለ መጠይቁ ላይ ስለሱ ይጠየቃሉ። ማብራራት የማይችሉት መስመር ሥራውን ያሳጣዎታል — በኋላ በሐሰተኛ ሬዙሜ ምክንያት የሚጠፋ ሥራ ደግሞ የበለጠ ያስከፍላል።

ቀጥሎ፦ አብሮት የሚሄደውን መልእክት ይጻፉ → የት ማመልከት እንደሚቻል፣ በቃለ መጠይቁም ምን እንደሚሆን